La vita xe ancora bela
Tuti devi morir, diseva mio nono, forsi anche mi...ma no'l iera convinto
Mia mama me contava che, apena nato, iero bruto, sensa cavei, tuto rugoso in viso e che piansevo sempre. Per migliorar el mio look, come che se diria adesso, mia mama, che la iera brava de cusir e de ricamar, la me fasseva tanti bei vestitini ma serviva a poco. Mia nona invesse la diseva "no'l xe bel ma el xe simpatico" ma, se sa, le none.... A pianser son andà avanti per tanti mesi ma iera guera, mio papà iera via, de magnar iera poco, tuti pianseva e piansevo anche mi. Per fortuna, dopo qualche ano, la guera xe finida e mio papà xe tornà a casa san e salvo. Xe andai via i tedeschi, xe rivai i druzi, po' i inglesi e i americani e dopo, ancora, i druzi. Mi intanto cressevo in forza, bellezza (per modo de dir) e intelligenza?!?
Go scomincià a andar a scola e i me ga messo un fazoleto rosso intorno al colo e una bareta bianca con la stela rossa. "Sei un pioniere", i me ga dito, "insieme edificheremo il socialismo". Mi no capivo ben cossa che i voleva dir ma me piaseva la parola "edificheremo", la me fasseva sentir importante. Dopo un per de ani, quando che i ga anuncià che el socialismo iera stado "edificado", mio nono ga dito che iera proprio vero che i ne lo gaveva "ficado" in quel posto e, alora, semo vignudi in Italia ................................... Una matina me son sveiado e go sentì che me fasseva mal una gamba, tirandome su del leto, sentivo un dolor de schena e, dopo, fassevo fadiga a scufarme per ligarme le spighete dele scarpe. Son andà davanti al specio e me son dito:"chi xe quel vecio che me varda?" E cussì son entrà anche mi a far parte dela categoria dei noni, de quei che, eufemisticamente i vien ciamadi "dela terza età".
Ma, nonostante tuto questo, la vita xe ancora bela e mi spero de rivar ala quarta e anche ala quinta età.
Per la sesta, iera quel che diseva "i miracoli eggi non li facciamo, provate a passare domani"
Domani vedaremo.......
Acquista il libro
Go scomincià a andar a scola e i me ga messo un fazoleto rosso intorno al colo e una bareta bianca con la stela rossa. "Sei un pioniere", i me ga dito, "insieme edificheremo il socialismo". Mi no capivo ben cossa che i voleva dir ma me piaseva la parola "edificheremo", la me fasseva sentir importante. Dopo un per de ani, quando che i ga anuncià che el socialismo iera stado "edificado", mio nono ga dito che iera proprio vero che i ne lo gaveva "ficado" in quel posto e, alora, semo vignudi in Italia ................................... Una matina me son sveiado e go sentì che me fasseva mal una gamba, tirandome su del leto, sentivo un dolor de schena e, dopo, fassevo fadiga a scufarme per ligarme le spighete dele scarpe. Son andà davanti al specio e me son dito:"chi xe quel vecio che me varda?" E cussì son entrà anche mi a far parte dela categoria dei noni, de quei che, eufemisticamente i vien ciamadi "dela terza età".
Ma, nonostante tuto questo, la vita xe ancora bela e mi spero de rivar ala quarta e anche ala quinta età.
Per la sesta, iera quel che diseva "i miracoli eggi non li facciamo, provate a passare domani"
Domani vedaremo.......
Acquista il libro