L'Imprinting dell'Istria
Ciacolade de una volta... storie de rider ma anche de pianzer
Mi go avù l' imprinting de Pola e dell' Istria. Vardando ben, mi go vissà assai più ani in altri posti, dove go afeti, lavoro, interessi, ma el mio posto dove tornar, apena che posso, xe Pola e l'Istria. Quando che vegno in auto, mi sento subito, apena passà el confin, quando che la strada la se rampiga su per el monte sora Capodistria e, dopo, quando che scominzia la tera rossa, mi sento subito una roba drento, verzo el finestrin, respiro e sento un'aria diversa. Vardo come che xe fate le case, i alberi, le campagne, i paesi, la gente e me sento a casa. Xe una roba dificile de spiegar e chi no la prova no la pol capir. Quando che se riva vizin el mar, po', quel odor de salmastro e quela brezza che me passa tra i cavei me fa vignir i brividi.
Andando in giro per el mondo, tante volte me son trovà a far i confronti e a zercar cossa che ghe xe de simile con la mia città. Cussì, me ricordo che a Howth, un paeseto de pescadori, vizin a Dublino, in Irlanda, iera un'osteria sul mar, dove che andavo a magnar granzi, che me pareva de esser ala Fischerhutte a Pola. E anche un giardin publico a Tel Aviv dove, passegiando de sera, me pareva de esser ai giardini Valeria a Pola. E de inverno, in montagna, quando che xe quel fredo suto, che te pizziga le rece e un poco de ventisel, mi sero i oci e me par che sia borin. Questo xe "Imprinting"!
Acquista il libro
Andando in giro per el mondo, tante volte me son trovà a far i confronti e a zercar cossa che ghe xe de simile con la mia città. Cussì, me ricordo che a Howth, un paeseto de pescadori, vizin a Dublino, in Irlanda, iera un'osteria sul mar, dove che andavo a magnar granzi, che me pareva de esser ala Fischerhutte a Pola. E anche un giardin publico a Tel Aviv dove, passegiando de sera, me pareva de esser ai giardini Valeria a Pola. E de inverno, in montagna, quando che xe quel fredo suto, che te pizziga le rece e un poco de ventisel, mi sero i oci e me par che sia borin. Questo xe "Imprinting"!
Acquista il libro